سٹاف رپورٹ (تازہ اخبار ،پی این پی نیوز ایچ ڈی)
ملاقات میں وزیراعظم آزادکشمیر سردار تنویرالیاس خان اور چیئرمین پی ٹی آئی عمران خان کے درمیان مجموعی ملکی صورتحال پر تفصیلی تبادلہ خیال کیا گیا۔وزیراعظم آزادکشمیر نے سابق وزیراعظم عمران خان کو آزادکشمیر میں ضلعی حکومتوں ، جاری منصوبوں ویمن ایمپاورمنٹ اور یوتھ پروگرام اور سینیٹ آف پاکستان کے اجلاس میں شرکت اور خطاب کے بارے میں تفصیلی طور پر آگاہ کیا۔ اس موقع پر عمران خان نے تحریک انصاف کی آزادکشمیر کی حکومتی کارکردگی پر بھرپور اعتماد کا اظہار کیا اور کہا کہ پی ٹی آئی کشمیریوں کی سفارتی محاذ پر بھرپور حمایت جاری رکھے گی۔ چیئرمین پی ٹی آئی نے وزیراعظم سردار تنویرالیاس خان کو بلدیاتی انتخابات میں شاندار جیت پر مبارکباد دی۔وزیراعظم آزادکشمیر سردار تنویرالیاس خان نے چیئرمین پی ٹی آئی عمران خان یقین دلایا کہ انکے ویژن کے مطابق ہماری حکومت نوجوانوں کو روزگار کے بھرپور مواقع فراہم کرے گی۔ آزادکشمیر میں ہر علاقے میں ترقیاتی منصوبوں کا جال ہوگا۔ وزیراعظم نے چیئرمین عمران خان کو بتایا کہ آزادکشمیر میں گندم کے مسائل کا سامنا ہے جس پر وفاقی حکومت سے بات چیت چل رہی ہے گندم امپورٹڈ ہونے کی وجہ سے ڈیڑھ لاکھ روپے فی ٹن مہنگی پڑتی ہے وزیراعظم آزادکشمیر سردار تنویرالیاس خان نےچیئرمین پی ٹی آئی کو بتایا کہ کوئی بھی سیاسی مزکراتی عمل ہو تو پی ٹی آئی کو اس کا حصہ بننا چاہیے۔ جیسا کہ میں نے دورہ کراچی کے دوران بات کہ کہ پی ٹی آئی جمہورہت اور سیاست پر یقین رکھتی ہے۔ انتخابات ناگزیر ہیں سیاسی مزکرات جس میں وفاقی حکومت اور دوسری قومی پارٹیاں بیٹھیں ہیں تو مزاکرات کیلیے تیار رہنا چاہیے۔ وزیراعظم آزادکشمیر کا کہنا تھا کہ ملک اس وقت شدید معاشی بحران کا شکار ہے ڈالر بلند ترین سطح پہ ہے اور روپیہ کی قوت خرید ختم ہو چکی ہے۔ معشیت کو ہنگامی طور پر سمبھالنے کی ضرورت ہے۔ملاقات کے دوران پی ٹی آئی کارکن ضل شاہ کے درجات کی بلندی کی دعا کی گئی، وزیراعظم آزادکشمیر سردار تنویر الیاس خان نے چیئرمین پی ٹی آئی عمران خان کو بتایا کہ ضل شاہ جیسے کارکن ہر جگہ ہر گلی میں موجود ہیں جن کی امید اور آس آپ سے جڑی ہیں ۔ ہمارا آئیں اور قانون پر امن سیاسی جدوجہد کی اجازت دیتا ہے یہ پی ٹی آئی کا حق ہے ۔ وزیراعظم آزادکشمیر سردار تنویرالیاس خان نے پی ٹی آئی قیادت پر جعلی اور بے بنیاد مقدموں کی شدید الفاظ میں مزمت کرتے ہوئے کہا کہ اس طرح کے عمل ملک میں سیاسی استحکام کی راہ میں رکاوٹ ہے۔ ملاقات میں وزیراعظم آزادکشمیر سردار تنویر الیاس خان نے چیئرمین تحریک انصاف عمران سے یکجہتی کا اظہار کیا اور کہا کہ مشکل کی اس گھڑی میں تحریک انصاف آزادکشمیر کی پارلیمانی پارٹی اور کشمیری عوام آپ کے ساتھ کھڑے ہیں. ملاقات میں وزراء حکومت چوہدری مقبول ، حافظ حامد رضا، اکمل سرگالہ، علی شان سونی، چوہدری اکبر ابراہیم ،پارلیمانی سیکریٹری جاوید بٹ، معاون خصوصی راجہ سبیل ، ترجمان وزیراعظم آزادکشمیر توصیف عباسی اور عمر شہزاد بھی شامل تھے.
