سٹاف رپورٹ (تازہ اخبار،پی این پی نیوز ایچ ڈی)
پاک فوج کے شعبہ تعلقات عامہ (آئی ایس پی آر) نے یوم پاکستان کے موقع پر پیغام جاری کرتے ہوئے کہا کہ مسلح افواج ملکی خودمختاری، علاقائی سا لمیت اور اقدار کے دفاع کیلئے غیر متزلزل عزم کا اعادہ کرتی ہیں.
یوم آزادی پر مسلح افواج، چیئرمین جوائنٹ چیفس آف سٹاف کمیٹی اور سروسز چیفس کی جانب سے قوم کو یوم آزادی پر مبارکباد دی گئی۔اس موقع پر آئی ایس پی آر کی جانب سے جاری بیان میں کہا گیا کہ یہ اہم موقع مسلمانوں کے ایک علیحدہ وطن کے دیرینہ خواب کی تعبیر کی یاد دلاتا ہے، پاکستان کی مسلح افواج ملک کی جدوجہد میں حصہ لینے والوں کو خراج تحسین پیش کرتی ہیں۔آئی ایس پی آر نے یہ بھی کہا کہ مسلح افواج ملکی خودمختاری، علاقائی سا لمیت، اقدار کے دفاع کے ساتھ ساتھ محنت سے حاصل آزادی کو عزت، وقارکے ساتھ محفوظ رکھنے کے عزم کا اعادہ کرتی ہیں۔
پاک فوج کے شعبہ تعلقات عامہ کے مطابق مسلح افواج قوم کی طرف سے ان پر کیے گئے اعتماد کوبرقرار رکھتی ہیں، پاکستان زندہ باد.
