فاطمہ کے لیے
وہ پیاری سی اک گڑیا ہے
جو شہد سی باتیں کرتی ہے
تتلی جیسے پیکر میں
دریا کی مانند بہتی ہے
بھر کے مجھ کو بانہوں میں
دنیا کے قصے کہتی ہے
یہ جو چند ا ماما ہے
میرے پیچھے چلتا رہتا ہے
جاوں ندی یا سمندر کو
مجھے یونہی تکتا رہتا ہے
تیرے دل میں جو دھڑکتا ہے
وہ نام ہے میرا ہی اماں
میں تجھ کو تکتی رہتی ہوں
وہ مجھ سے جلتا رہتا ہے
میری انوکھی دنیا پھر
نور سے یوں دمکتی ہے
اس کی جگنو آنکھوں سے
ساری دھرتی جھلمل کرتی ہے
نمیرہ محسن
اکتوبر 2023
362
