رپورٹ کوٹلی لوہاراں کامران سلہری
کوٹلی لوہاراں مغربی کے رہائشی علی حمزہ کے اڑھائی سالہ بیٹے اذان کو نا معلوم ملزمان نے اغواء کر کے بچے کی واپسی کے عوض 80 لاکھ روپے تاوان کی رقم کا مطالبہ کیا تھا.
نامعلوم ملزمان نے بچے کو اغواء کر کے گھر میں پرچی پھینکی تھی جس پر بچے سے متعلق رابطہ کرنے کیلیے سکائپ آئی ڈی درج تھی سکائپ آئی ڈی پر رابطہ کرنے پر ملزمان نے بچےکی واپسی کیلیے والد علی حمزہ سے 80 لاکھ روپے تاوان کی رقم کا مطالبہ کیا اور تاوان کی رقم ادا نہ کرنے کی صورت میں بچے کو جان سے مار دینے کی دھمکی دی تھی.
ڈی پی اوسیالکوٹ محمد حسن اقبال نے اڑھائی سالہ معصوم بچے کے اغواء کے معاملے کا سختی سے نوٹس لیا اور ہر صورت بچے کی بحفاظت بازیابی کو ممکن بنانے کیلئے لئے ایس پی انویسٹی گیشن فاروق امجد، ڈی ایس پی صدر سرکل، ڈی ایس پی سی آئی اے، ایس ایچ او کوٹلی لوہاراں، ، آئی ٹی اور سائبر کرائم ماہرین پر مشتمل متعدد ٹیمیں تشکیل دے دیں.
پولیس ٹیموں نے ڈی پی او سیالکوٹ کی سربراہی میں رات بھر کوشش جاری رکھی، بالآخر جدید ٹیکنالوجی اور پیشہ وارانہ مہارت کو بروئے کار لاتے ہوئے پولیس نے صبح 5 بجے اڑھائی سالہ اذان کو بحفاظت بازیاب کر کے والدین کے حوالے کردیا ہے.
پولیس کی بروقت کاروائی اور مؤثر حکمت عملی کی بدولت معصوم بچے کی بخفاظت واپسی پر پورے علاقے میں شادمانی کا عالم ہے اور علاقہ کے لوگ پولیس کے حق میں نعرے بازی کر رہے ہیں.
ڈی پی اوسیالکوٹ محمد حسن اقبال کا کہنا ہے کہ شہریوں اور بالحصوس بچوں کی حفاظت پولیس کی اولین ذمہ داری ہے اس کو یقینی بنانے کیلئے کوئی دقیقہ فروگزاشت نہیں چھوڑا جائے گا.
