بھارتی اداکارہ اور پدم شری ایوارڈ یافتہ کنگنا رناوت کی گاڑی کو ہجوم نے گھیر لیا اور حملہ کردیا

(سٹاف رپورٹ،تازہ اخبار،پاک نیوز پوائنٹ )
بھارتی میڈیا کے مطابق بھارتی اداکارہ کنگنا رناوت نے سوشل میڈیا پر ایک ویڈیو شیئر کی ہے جس میں وہ ہندوستان کے صوبہ پنجاب میں ہیں اور سکھ مظاہرین نے کنگنا رناوت کی گاڑی کو روکا ہوا ہے.
مظاہرین کنگنا رناوت کے خلاف نعرے بازی کررہے ہیں جبکہ کنگنا رناوت مظاہرین کی ویڈیو بنا رہی ہیں.
انسٹااسٹوری پر ویڈیو شیئر کرتے ہوئے کنگنا رناوت نے بتایا کہ بہت سے لوگ میرے نام پر سیاست کررہے ہیں.
ان کا کہنا تھا کہ ہجوم نے پوری طرح سے میری گاڑی کو گھیر لیا ہے، اگر یہاں پر پولیس نہ ہو ان کو کھلا چھوڑ دیا جائے تو یہ مجھے ماردیں انہیں شرم آنی چاہئے.
واضح رہے کہ پنجاب کے کسانوںکیخلاف متنازعہ بیان دینے پر کنگنا رناوت تنقید کی زد میں ہیں، ان کے خلاف ایف آئی آر تک درج کرادی گئی ہے.