ویانا ریاض بلوچ:پی این پی نیوز ایچ ڈی
سفارت خانہ پاکستان ویانا میں آسٹریا اور سلواکیہ میں مقیم پاکستانی کمیونٹی کے اراکین کو اوورسیز پاکستانیز کنونشن جو اس وقت اسلام آباد میں ہو رہا ہے۔ سفارت خانہ ویانا میں باقاعدہ طور پر بڑی اسکرین پر دکھائی گئی۔
اس موقع پر سفیر پاکستان محمد کامران اختر،ہیڈ اف چانسری عدیل خان آفریدی اور کمیونٹی افیئرز کونسلر شہزاد سلیم سمیت پاکستانیوں نے بہت بڑی تعداد میں شرکت کی۔
پاکستان میں کنونشن کا مقصد اوورسیز پاکستانیوں کو شامل کرنا اور ان کو گلے لگانا، سرمایہ کاری کے مواقع فراہم کرنا، ان کی شکایات کا ازالہ کرنا اور منظم بات چیت اور نیٹ ورکنگ سیشنز کے ذریعے ان کے تعاون کا جشن منانا ہے۔ اس سلسلے میں، سفارتخانے نے کنونشن میں ان کی شرکت کو آسان بنانے کے لیے پاکستانی کمیونٹی کی میزبانی کی، جنہوں نے ان کی نمائندگی کو یقینی بنانے کی کوششوں کو سراہا۔
پہلا اوورسیز پاکستانیز کنونشن 13 سے 16 اپریل 2025 تک اسلام آباد میں ہو رہا ہے۔ اس تقریب میں 80 سے زائد ممالک کے 1500 سے زائد سمندر پار پاکستانی شرکت کر رہے ہیں جس کا عنوان “فخر پاکستانی، ایک ساتھ مضبوط” کے تحت منعقد کیا گیا ہے۔
