(سٹاف رپورٹ ،تازہ اخبار،پاک نیوز پوائنٹ )
چیف آف آرمی اسٹاف جنرل قمر جاوید باجوہ نے کور ہیڈ کوارٹرز کراچی کا دورہ کیا جس کے دوران انہیں فارمیشن کے آپریشنل امور پر تفصیلی بریفنگ دی گئی۔
افغان عوام کی معاشی ترقی کیلئے مربوط عالمی تعاون درکار ہے،
پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ آرمی چیف جنرل قمر جاوید باجوہ کور ہیڈکوارٹرز کراچی کے دورے پر پہنچے تو کور کمانڈر لیفٹیننٹ جنرل محمد سعید نے استقبال کیا۔
آئی ایس پی آر کے مطابق آرمی چیف کو دی جانے والی بریفنگ میں کراچی سمیت سندھ کی سیکیورٹی صورتحال کی بابت بھی آگاہی دی گئی۔
آرمی چیف جنرل قمر جاوید باجوہ کو مختلف منصوبوں پر عمل درآمد کے لیے سول انتظامیہ کو فراہم کردہ معاونت سے بھی آگاہ کیا گیا۔ انہیں ایف ڈبلیو او، این ایل سی اور این ڈی ایم اے کی انفراسٹرکچر کی بہتری کے لیے بھی کوششوں سے آگاہ کیا گیا۔
ایسے ماورائے عدالت اقدام قطعاً نا قابل قبول ہیں،
آئی ایس پی آر کے مطابق پاک فوج کے سربراہ جنرل قمر جاوید باجوہ نے کراچی کور کی آپریشنل تیاریوں اور سیکیورٹی اقدامات پر اظہار اطمینان کیا۔ انہوں نے دہشت گردی و جرائم کی شرح میں کمی کے لیے فارمیشن اور سندھ رینجرز کے کردار کو سراہا۔
جنرل قمر جاوید باجوہ نے سندھ پولیس ہیڈ کوارٹرز کا دورہ کر کے یادگارشہدا پر پھول چڑھائے۔ انہوں نے صوبے میں سیکیورٹی میں بہتری کے لیے پولیس کے کردار کو سراہتے ہوئے سندھ پولیس کے شہدا کے اہل خانہ سے بھی بات چیت کی۔ انہوں نے شہدا کو خراج عقیدت بھی پیش کیا۔
افغان عوام کی معاشی ترقی کیلئے مربوط کوششیں کرنا ہوں گی،
آئی ایس پی آر کے مطابق آرمی چیف نے سندھ پولیس کے شہدا کے خاندانوں کو پاک فوج کی جانب سے بھرپور تعاون کی یقین دہانی بھی کرائی
