رپوٹ/اعجاز احمد طاہر اعوان (تازہ اخبار ،پی این پی نیوز ایچ ڈی)
مناسس (امریکہ) گزشتہ روز ورجینیا میں ادب نواز دوستوں کا ایک اجتماع ہوا جس میں علم و ادب کے دلدادہ افراد جن میں ادیب ، شاعر اور دانشور حضرات نے شرکت کی.
ورجینیا میں ایک ایسے ادبی فورم کی ضرورت محسوس کی گئی ۔ جس میں وقتآ فقتآ علمی ادبی ذوق رکھنے ولے لوگ بیٹھ کر ایک دوسرے کے خیالات سے مستفید ہو سکیں اور پاکستانی ادب و تہذیب و ثقافت کو پروان چڑھا سکیں – اس مقصد کے لئے ایک فورم بزم حرف و سخن ورجینیا کا قیام عمل میں لایا گیا جس کے ڈاکٹر محمد ریاضُ چوہدری صدر اور ڈاکٹر عارف محمود سیکریٹری جنرل مقرر ہوئے ا- مجلس عاملہ کے ممبران میں ڈاکٹر عثمان ملک ، ڈکٹر عبدالمجید ترہ ، جناب بابر سرور ، ذولقرنین ، افتخار احمد اور آغا جلیل درانی کا انتخاب ہوا – اور فیصلہ کیا گیا کہ ہر ماہ کی پہلی اتوار کو اس کا اجلاس ہوا کرے گا – جس میں شعر و شاعری اور علمی ادبی سرگرمیوں کے علاوہ مختلف موضوعات پر لیکچرز اور مباحثے کا بھی اہتمام کیا جائے گا – فکری نشتوں میں دانشور حضرات کو بھی مدعو کیا جا ئے گا –
یہ بزم کا الحاق حلقہء فکروفن سعودی عرب سے طے پایا اور اسی کے مقاصد کو عملی جامہ پہنایا اور ایک دوسرے سے تعاون کیا جائے گا.
