سفارتخانہ پاکستان برلن میں اس دن کی مناسبت ہے ایک پروقار تقریب کا انعقاد
رپورٹ مہوش ظفر جرمنی
23 مارچ 1940 کو جو قرار داد پیش کی گئ تھی اس کی مناسبت سے
پاکستان کی بیاسیویں (٨٢) سالگرہ پر پاکستان ہاٶس برلن میں پرچم کشاٸی کی پروقار تقریب کا انعقاد کیا گیا۔ تقریب میں مقامی جرمن اور پاکستانی افراد کی بڑی تعداد نے شرکت کی۔ تقریب کا آغاز تلاوت قرآن پاک سے ہوا جس کے بعد پاکستانی سفیر نے قومی ترانے کے ساتھ پرچم کشاٸی سرانجام دی۔
تقریب میں حسب روایت سفارتخانہ کے افسران کی جانب سے صدر و وزیراعظم پاکستان کے پیغامات پڑھ کر سناۓ گۓ۔ ان پیغامات میں اپنے آباو اجداد کی قربانیوں کے ادراک اور بحثیت قوم عزم و استقلال پر کاربند رہنے کا حوالہ شامل تھا۔
پاکستانی سفیر ,ڈاکٹر محمد فیصل نے شرکاء کو تقریب میں خوش آمدید کہتے ہوٸے بتایا کہ اس دن ھم اپنے آباٶ اجداد کو خراج عقیدت پیش کرنےکے ساتھ ساتھ اس عہد کی تجدید بھی کرتے ھیں کہ ہم پاکستان کے استحکام, خوشحالی اور جدید خطوط پر ترقی کے لیۓ کوشاں رہیں گے۔ انھوں نے نوجوانوں پر زور دیا کہ وہ ان اہداف کے حصول کے لیۓ لگن, محنت اور دیانتداری کے ان اصولوں پر عمل پیرا ہوں جنکا پرچار قاٸداعظم نے کیا اور جنکا خواب اقبال نے دیکھا تھا۔
اس موقع پر پاکستانی سفیر نے بھارتی غیر قانونی مقبوضہ جموں و کشمیر کے عوام کے لیۓ پاکستان کی غیر متزلزل اخلاقی, سیاسی اور سفارتی حمایت کا بھی اعادہ کرتے ہوۓ کہا کہ پاکستان کشمیریوں کو اقوام متحدہ کی قراردادوں کے مطابق انکا حق خودارادیت ملنے تک یہ حمایت جاری رکھے گا۔ اس موقع پر پاک جرمن دو طرفہ تعلقات کا حوالہ دیتے ہوۓ انکا کہنا تھا کہ یہ تعلقات بذات خود اپنی گہراٸی کے عکاس ہیں۔ سفیر نے اپنے خطاب میں او آٸی سی کونسل آف فارن منسٹرز کے انتہاٸی کامیاب انعقاد کا حوالہ بھی دیا اور کہا کہ آج کے دن اس کانفرنس کا انعقاد بلاشبہ پاکستان کے لیۓ ایک بڑا اعزاز ہے۔
تقریب کے دوران میڈیا سے اپنی گفتگو میں سفیر پاکستان ڈاکٹر محمد فیصل کا کہنا تھا کہ آج یہ تجدید عہد کا دن ہے اور ہم پاکستان کو ترقی یافتہ اور معاشی طور پر ایک طاقتور اور مستحکم ملک دیکھنا چاہتے ہیں۔اور اس کے لئے ہم یہاں اپنا کام کرتے رہیں گے۔
یہاں یوں برلن میں اپنے ملک کا پرچم بلند کرنا بڑا اچھا لگتا ہے۔
ہم دعا کرتے رہیں گے اپنے ملک کے لئے کہ تاقیامت وہ قائم رہے۔
پاکستانی کمیونٹی کے افراد کا آج کے دن کے حوالے سے کہنا تھا کہ اس قسم کی تقریبات میں ہمارے لوگوں کو بھرپور شرکت کرنی چاہئے اور ساتھ ہی یہاں کی لوکل کمیونٹی سے بھی میل جول رکھنا چاہیے تاکہ ہم ان لوگوں تک اپنی بات پہنچا سکیں۔
تقریب کے اختتام پر پاکستانی پرچم بنا کیک کاٹا گیا اور کمیونٹی و سفارتخانے میں نمایاں کارکردگی دکھانے والوں میں اسناد بھی تقسیم کی گئیں۔
