(سٹاف رپورٹ،تازہ اخبار،پاک نیوز پوائنٹ )
کراچی کے علاقہ قائد آباد ریڈیو پاکستان کالونی میں جاری مقامی کرکٹ ٹورنامنٹ کے سیمی فائنل میں وقار سپورٹس کے خلاف بیٹنگ کے دوران 33 سالہ جانداد خان کو دل کا دورہ پڑگیا۔جانداد خان کو طبی امداد کے لیے ہسپتال لے جایا گیا مگر وہ جانبر نہ ہوسکے۔ پیرا ماؤنٹ کرکٹ کلب کی نمائندگی کرنے والے جانداد خان کا آبائی تعلق بنوں سے تھا جبکہ وہ گل احمد چورنگی کا رہائشی اور مزدوری کیا کرتا تھا۔ جانداد خان کی 9 ماہ کی بیٹی بھی ہے.
