رپورٹ : عالم خان مہمند( تازہ اخبار ، پاک نیوز پوائنٹ )
سعودی وزارت داخلہ کے مطابق وزارت نے کہا ہے کہ کھلے مقامات اور بند جگہوں کے علاوہ تمام سوشل ایکٹیویز میں ماسک اور سماجی فاصلے کی پابندی لازمی ہے.
وزارت داخلے نے کہا ہے کہ ’فیصلے پر نفاذ جمعرات 30 دسمبر سے صبح 7 بجے سے ہوگا.
وزارت داخلہ نے اعلامیہ میں کہا ہے کہ متعلقہ صحت اداروں کی طرف سے موصول ہونے والی رپورٹ میں ملک میں کورونا وائرس اور اس کی نئی قسموں کی تازہ ترین صورتحال کا اندازہ ہوتا ہے.
واضح رہے کہ کورونا کیسز میں کمی کے باعث وزارت نے ایس او پیز میں نرمی کا اعلان کرتے ہوئے کھلی جگہوں پر ماسک کی پابندی ختم کرنے کا اعلان کیا تھا۔
اب وزارت نے کیسز کی بڑھتی ہوئی شرح کے باعث دوبارہ ماسک اور سماجی فاصلے کی پابندی کا فیصلہ کیا ہے.
اس بنا پرکہ حکومت کے نزدیک شہریوں اور مقیم غیر ملکیوں کی سلامتی اولین ترجیح ہے جسے مدنظر رکھتے ہوئے نئے فیصلے کئے گئے ہیں.
وزارت داخلہ نے کہا ہے کہ لوگوں کی سلامتی کے لیے کئے گئے تمام فیصلے وبا کی کیفیت کو مد نظر رکھتے ہوئے ہر وقت جائزے کے تحت رہتے ہیں.
وزارت نے تمام شہریوں اور مقیم غیر ملکیوں کو نافذ العمل ایس او پیز کی پابندی کرنے کی ہدایت کی ہے۔
وزارت نے کہا ہے کہ فیصلہ کیا گیا ہے کہ تمام کھلے مقامات اور بند جگہوں کے علاوہ تمام سرگرمیوں اور سوشل تقریبات میں ماسک اور سماجی فاصلے کی پابندی کی جائے گی.اس فیصلے کا نفاذ جمعرات 30 دسمبر سے صبح 7 بجے سے ہوگا.
