(سٹاف رپورٹ،تازہ اخبار،پاک نیوز پوائنٹ )
نیشنل ہائی ویز اینڈ موٹرویز پولیس کی جانب سے سات دسمبر سے ایم ٹیگ نہ رکھنے والی گاڑیوں پر پابندی عائد کی گئی ہے کہ وہ اب موٹروے پر داخل نہیں ہو سکیں گی۔
موٹروے پولیس کے اس اعلان کو لاہور ہائی کورٹ کی جانب سے دیے گئے عدالتی حکم کے تناظر میں کیا گیا اقدام قرار دیا گیا تاہم سوشل ٹائم لائنز پر اس سے متعلق ہونے والی گفتگو میں جہاں مختلف تحفظات کا اظہار کیا گیا، وہیں فیصلے پر تکنیکی اور قانونی سوالات بھی اٹھائے جا رہے ہیں.
ایم ٹیگ کے بغیر گاڑیوں کی تمام موٹرویز پر بندش کے فیصلے کو تنقید کا نشانہ بنانے والے افراد میں کچھ کا موقف تھا کہ عدالتی فیصلہ صرف ایم ٹو (اسلام آباد، لاہور موٹروے) سے متعلق تھا اسے تمام موٹرویز پر کیوں لاگو کیا جا رہا ہے.
عدالت عالیہ کے احکامات کی روشنی میں 7 دسمبر، 2021 سے صرف ایم ٹیگ والی گاڑیوں کو موٹروے پر سفر کی اجازت ہو گی۔@InamGhani pic.twitter.com/sLXe70FEEn
— National Highways & Motorway Police (NHMP) (@NHMPofficial) December 5, 2021
نیشنل ہائی ویز اینڈ موٹرویز پولیس کی جانب سے سوشل میڈیا پر ہی اعلان کیا گیا تھا کہ سات دسمبر سے ایم ٹیگ نہ رکھنے والی گاڑیاں موٹروے پر داخل نہیں ہو سکیں گی اور صرف ایم ٹیگ والی گاڑیاں ہی موٹرویز پر سفر کر سکیں گی۔
اس اعلان میں ایم ٹیگ سے متعلق معلومات کے لیے رابطہ نمبر اور دیگر تفصیلات بھی صارفین سے شیئر کی گئی تھیں.
