شاہین جاوید- ریاض سعودی عرب،پی این پی نیوز ایچ ڈی
پاکستان انٹرنیشنل سکول انگلش سیکشن کے طلباء وطالبات نے کیمرج اور ایڈیکسل انٹرنیشنل جون 2024 کے امتحانات میں عالمی سطح پر سولہ پوزیشنیں حاصل کر نے کا اعزاز حاصل کر لیا. سکول کی انتظامیہ کا پرجوش اور مسرت سے بھرپور جذبات کا اظہار.
سکول کے پرنسپل محمد تنویر نے کہا کہ طلبہ و طالبات نے نمایاں کارکردگی دیکھا کر نہ صرف اپنے سکول کا نام روشن کیا ہے بلکہ اپنے ملک پاکستان کے نام کو چار چاند لگا دیئے ہیں یہ طلبہ و طالبات ملک و قوم کا فخر ہیں اور ان کا مستقبل بہت روشن ہو گا۔ یہ سب اپنے ملک پاکستان کی ترقی کے ضامن ہوں گے.
پاکستان انٹرنیشنل سکول انگلش سیکشن کے ذہین طلباء نے برٹش کونسل کے زیر اہتمام اے لیول، ایڈکسل کے امتحان میں 16 نمایاں پوزیشنیں حاصل کیں۔ محمد عفان کاشف، محمد ابوبکر صدیق اور سعد احمد نے ریاضی میں دنیا بھر میں پہلی پوزیشن حاصل کی اور تین طالبات بشریٰ بنت خالد، غانیہ جواد جواد اور زارا زبیر نے انگریزی میں دنیا بھر میں پہلی پوزیشن حاصل کی.
اس کے علاوہ سعد احمد نے فزکس میں پہلی اور محمد ریان اور محمد کاشف نے کیمسٹری میں سعودی عرب میں پہلی پوزیشن حاصل کی۔ لبابہ عبدالغفار نے مڈل ایسٹ اور سعودی عرب میں بزنس سٹڈیز میں پہلی پوزیشن حاصل کی۔ سعد احمد نے اے لیول میں تین اے اسٹارز کے ساتھ مشرق وسطیٰ اور سعودی عرب میں دوسری پوزیشن حاصل کی۔ محمد حمدان جواد نے اے ایس میں تھری اے سٹار حاصل کر کے سنٹرل ریجن میں دوسری پوزیشن حاصل کی۔ سید محمد عبداللہ امجد نے اے لیول میں تین اے سٹار حاصل کر کے سنٹرل ریجن میں تیسری پوزیشن حاصل کی.
اے ایس لیول میں سب سے زیادہ نمبر حاصل کرنے کا ریکارڈ رجال کبیر کے پاس ہے۔ طلباء نے اپنی کامیابی کا سہرا والدین کی دعاؤں، اساتذہ کی محنت اور سکول انتظامیہ کی بہترین تعلیمی پالیسی کو قرار دیا۔ پاکستانی کمیونٹی اور والدین نے اس شاندار کامیابی پر سکول کے پرنسپل محمد تنویر اور سکول کوآرڈینیٹر ندیم اقبال اعوان اور ٹیچر سمیرا وسیم اور دیگر اساتذہ کو مبارکباد دی اور ان کی لگن کو سراہا.سکول کے پرنسپل محمد تنویر نے پوری کمیونٹی، والدین، سکول مینجمنٹ کونسل اور اساتذہ کو مبارکباد پیش کی اور اللہ کا شکر ادا کیا کہ ان کی محنت نے انہیں اس مقام پر پہنچایا ہے۔ انہوں نے حالیہ نتائج کو بیرون ملک رہنے والوں کے لیے فخر اور اثاثہ قرار دیا۔ پرنسپل نے طلباء کی محنت اور لگن کو سراہا اور ان کے روشن مستقبل کے لیے نیک خواہشات کا اظہار کیا.
