الدمام ( جویریہ اسد ) (تازہ ترین اخبار، پی این پی نیوز ایچ ڈی)
سعودی عرب کے ساحلی شہر الخبر میں یوم پاکستان کے حوالے سے ایک شاندار تقریب کا انعقاد مقامی ہوٹل میں کیا گیا جس میں کمیونٹی افراد نے بھر پور شرکت کرکے وطن عزیز سے محبت کا اظہار کیا تقریب کی نظامت کے فرائض منشأ طاہر نے بڑی خوش اسلوبی سے سر انجام دیتے ہوئے آنے والے معزز مہمانوں کو خوش آمدید کہا اور یوم پاکستان پر تفصیلی روشنی ڈالی تقریب سے خطاب کرتے ہوئے حفیظ اللہ جلال کا کہنا تھا کہ 23 مارچ مسلمانوں کی تاریخی جدوجہد کی علامت اور پاکستان کی اساس کی حیثیت رکھتا ہے 23 مارچ تجدید عہد کے موقع پر ہم اپنے اسلاف کی دی ہوئی قربانیوں پر انہیں خراج عقیدت پیش کرتے ہوئے اس عزم کا اعادہ کرتے ہیں کہ ہم سب پاکستان کی بقا ترقی اور خوشحالی کے لئے کسی بھی قربانی سے دریغ نہیں کریں گے تقریب کے میزبان امجد شامی نے خطاب کرتے ہوئے کہا کہ نظریہ پاکستان ہمارے اکابرین کی میراث ہے زندہ قومیں کبھی بھی اپنے اسلاف کی قربانیوں کو فراموش نہیں کرتیں پاکستان کے لئے ہمارے آباواجداد نے بے مثال تاریخ رقم کی ہے آج ضرورت اس امر کی ہے کہ ہم تمام تعصبات اور اختلافات سے بالا تر ہو کر بطور پاکستانی ملکی تعمیر و ترقی اور خوشحالی کے لیے کام کرنے کا عہد کرنا ہوگا تقریب میں خالد صدیقی اور نعیم نیازی نے ملی نغمہ ” اے وطن پیارے وطن پیش کر کے سامعین سے خوب داد حاصل کی تقریب سے راشد محمود ، غلام مصطفی خاں، افضال بدر ؛ پاک یونائیٹڈ میڈیا فورم کے مرکزی وائس چیئرمین مرزا ریاض بیگ ، ملک عاصم مون ، مرزا غفار بیگ ، مرزا امجد بیگ ، اور دیگر نے خطاب کرتے ہوئے بانیان پاکستان کو خراج عقیدت پیش کرتے ہوئے پاکستان کی ترقی خوشحالی اور استحکام کیلئے بھر پور عزم کا اعادہ کیا تقریب کے آخر میں یوم پاکستان کا کیک بھی کاٹا گیا
131
