میری آواز
ملکہ ترنم نور جہاں کو ہم سے بچھڑے 22 برس بیت گئے!
(یوم وفات 23 دسمبر 2000)
کالم نویس/اعجاز احمد طاہر اعوان
ملکہ ترنم نور جہاں کو ہم سے بچھڑے ہوئے 22 سال بیت گئے! انہوں نے 26 فلموں میں مرکزی کردار ادا کئے۔ اور ایک ہزار سے زائد فلموں کے لئے گئے گائے۔ برصغیر کی سروں کی ملکہ نامور گلوکارہ ملکہ ترنم نور جہاں کو آپ ے مداحوں سے بچھڑے 22 برس بیت گئے لیکن انکی سریلی آواز آج بھی اپنے مداحوں کے کانوں میں رس گھولتی ہے۔ ملکہ ترنم نور جہاں 21 ستمبر 1926 کو قصور کے موسیقار گھرانے میں پیدا ہوئیں۔ اور اپنے فلمی کیرئیر کا؟آغاز 9 سال کی عمر سے کیا۔ اور جلد ہی ایک جانی پہچانی “”چائلڈ اسٹار”” بن گئیں۔ ان کا اصل نام اللہ وسائی تھا جبکہ “”نور جہاں “” ان کا فلمی نام تھا۔ 1965 کی پاک بھارت جنگ کے دوران ملی اور قومی۔نغمے بھی گائے جو ہماری تاریخ کا بھی ایک اہم حصہ ہے۔ 6 دہائیوں پر محیط اپنے فنی سفر میں ملکہ ترنم نور جہاں نے 26 بھارتی اور پاکستانی فلموں میں مرکزی کردار ادا کئے۔ اور مجموعی طور ایک۔ہزار سے زائد فلموں کے لئے عزلیں اور گیت گائے۔ حکومت پاکستان نے ان کی فن گائیکی کے حوالے سے گرانقدر خدمات کے اعتراف میں انہیں صدارتی تمغہ برائے حسن کارکردگی اور نشان امتیاز کے اعزازات سے بھی نواز۔ ملکہ ترنم نور جہاں 23 دسمبر 2000 کو طویل علالت کے بعد انتقال فرما گئیں لیکن ان کے گیتوں کی آواز آج بھی مداحوں کے دلوں میں زندہ ہیں ۔
