رپورٹ لاہور ایچ ایم فیاض پی این پی نیوز ایچ ڈی
ایوان اقبال لاہور کے بینکویٹ ہال میں لاثانی ویلفیئر فاؤنڈیشن خواتین ونگ اور ایوان اقبال لاہور کے اشتراک سے جشن عید میلادالنبی کی مناسبت سے پر نور محفل کا انعقاد کیا گیا درود و سلام سے سجی اس پاکیزہ محفل میں معزز خواتین سمیت مختلف اسکولز اور کالجز کی طالبات نے بھرپور شرکت کی محفل میلاد میں جہاں خواتین نعت خواں نے گلہائے عقیدت کے پھول نچھاور کیے وہیں پر خواتین مقررین نے آقائے دو جہاں سرور کونین حضرت محمد صلی اللہ علیہ وآلہ وسلم کی ذات اقدس کے حوالے سے اپنے اپنے خیالات کا اظہار کرتے ہوئےامام الانبیاء حضرت محمد صلی اللہ علیہ وآلہ وسلم کی سیرت اور انکی تعلیمات پر عمل کرنے پر زور دیتے ہوئے کہا کہ اللہ سبحانہ وتعالی نے اپنے محبوب امام الانبیاء خاتم النبیین کو رحمت للعالمین بنا کر بھیجا جن کے آنے سے ظلمت کے اندھیرے چھٹ گئے ہر سو اسلام کی روشنی پھیل گئی اسلام کے آنے کے بعد عورت کو ایک خاص مقام ملا آپ سے محبت کا تقاضا تو یہی بنتا ہے کہ ان کی تعلیمات پر عمل کرتے ہوئے زندگی کو گزاریں میلاد النبی کی بابرکت محفل میں جن معزز مہمان خواتین نے خصوصی شرکت کی ان میں وال سٹی لاہور کی ڈپٹی ڈائریکٹر نوشین زیدی ،نظریہ پاکستان ٹرسٹ کی کنوینئر ڈاکٹر پروین خان ، ڈاکٹر زیب النساء سرویا ،سابق پرنسپل کینرڈ گرلز ہائی اسکول رضوانہ خلیل ،ممبر نظریہ پاکستان صفیہ اسحاق ،نادرا کی ڈپٹی ڈائریکٹر حفصہ طاہر شامل تھی نظامت کے فرائض محترمہ رضیہ عامر نے ادا کیے
نوٹ ___لاہور __ایوان اقبال جشن عید میلادالنبی کے حوالے سے خواتین میلاد کر رہی ہیں
